الثقافة والفنون

مراية الحب عميا

مراية الحب عميا

جملة سمعناها كتير وبنسمعها ولسه حانسمعها

 مراية الحب عاميه

أنت شايف مرايتك عاميه ولا مفتحه؟

طبعا حاتقول انك شايف فيها أجمل سنين عمرك

 وانك عايش اروع قصة حب وانك حاسس انك عشت مع حبيبك حياة مستحيل حاتعيشها تانى إلا وإنت معاه.

لحظه كده.

شويه بس.

مشوار معايا وحارجعك تانى.

اقف معايا دقيقتين قدام مرايتك.

وحاول تنسى احساسك الجميل مع حبيب قلبك واتكلم مع مرايتك بمنتهى الصراحة.

انت راضى عن نفسك دلوقتي؟

شايف كل الى حواليك بينقضوا تصرفاتك ومستغربين حالك ومش عارفين يواجهوك بالحقيقة الى انت عنها غايب.

ايه …شايف ايه؟

شايف إنك عايش فى وهم؟

شايف إنك قد ايه بتحاول تهرب من الواقع؟

شايف كذبه وخداعه واستهتاره بمشاعرك؟

شايف انه مهما يعمل فيك برضه راضى ؟

شايف انه مش مقدر قيمة حبك ليه وبيتلاعب بعواطفك؟

شايف انه قد ايه انانى وانك ضحيت كتير من قيمتك واحترامك لنفسك واحترام الناس ليك علشان تكون بس جنبه؟

شايف قد ايه إنك حزين على نفسك وعلى حالك معاه؟

صدقنى حاسه بيك وبالى جواك وعارفه انه مهما تقابل منه من حجود واستهتار دايما مسامحه وعندك استعداد تضحى بالغالى علشان تنول رضاه.

طب وبعدين!!!

عارفه انها مواجهه صعبه بينك وبين مرايتك لكن صدقنى هى الصح دايما لانها صادقه.

حاول معايا تستعيد تقويم نفسك وترجع شويه شويه زى الأول وده مستحيل طبعا انك ترجع زى الأول لأن إلى اتجرح جواك مستحيل الأيام تعرف تداويه.

لكن صدقنى كده احسن ليك بكتير على الاقل تحترم مشاعرك وتعرف إن إحساسك إلى جواك يستاهل حد يقدره

أتمنى أن مراية كل واحد فينا تكون واضحه وصريحة

صادقه ومقدرة بقيمة وعظمة الحب.

اتمنى اننا نعيش مشاعر حقيقية مش مشاعر مزيفة.

اتمنى نعيش الحب كما يجب أن نعيشه

☺ تعليقك يسعدنا.. فشارك به! ☺

أحلام السيد

شاعرة مصرية.. عضو بالاتحاد العام للمثقفين والأدباء العرب، وعضو برابطة مثقفي الشعوب العربية
أحلام السيد

Latest posts by أحلام السيد (see all)

الوسوم

أحلام السيد

شاعرة مصرية.. عضو بالاتحاد العام للمثقفين والأدباء العرب، وعضو برابطة مثقفي الشعوب العربية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.