الثقافة والفنون

حلم الوحدة!

هانت عليكم أرضها يدنسوها كلاب.. وهان عليكم شعبها تايهين كما الأغراب

أيه ياعرب الوحده فين إتكلموا

قولوا لفين هيبيعوا فينا ويشتروا

سوريا العروبه بتنضرب إتألموا

 

هانت عليكم أرضها يدنسوها كلاب

وهان عليكم شعبها تايهين كما الأغراب

ليه ياعرب هان الوطن هان التراب

فاكرين بخوفكوا  هتسلموا

أيه ياعرب الوحده فين إتكلموا

 

سوريا اللى كانت أرضها مليانه خير

كانت سنابل قمحها تغنى الفقير

دلوقتى ليه الدم فيها بحور كتير

ولا حتى فيها بتسألوا

أيه ياعرب الوحده فين إتكلموا

 

والقدس مهد الأنبياء باب السما راحت لمين

والأقصى هانت دمعته فين فرحته يا مسلمين

مجروح وطفيت شمعته بإيدنا عايش ليل حزين

أه من الحنين والله بكره لتندموا

أيه ياعرب الوحده فين إتكلموا

 

ليبيا يا ارض ياطيبه ليه شاربه نار

ياشعب مسجون جوه أرضه وفى حصار

مستنين يرجع زمن عمر المختار

والصبر طال ليه تصبروا

أيه ياعرب الوحده فين إتكلموا

 

نهر الفرات وميته دلوقتي بس بتروى مين

حبة رعاع إحتلوا أرضه وبردوا عاملين مش شايفين

إمتى العرب هيفوقوا بس أن الأوان إصحوا يا نايمين

من سجنكم أن الأوان تتحرروا

أيه ياعرب الوحده فين إتكلموا

 

شعبك يا مصر وشعب ليبيا والسودان

شعب العراق شعب الكويت شعب الجولان

مغرب وتونس والجزائر من زمان

دول الخليج العربي والجمال لبنان

افتح حدودك ياوطن ماخلاص أن الأوان

وأيد فى أيد نحمى  الوطن من كل واطى جبان

وبسم  الله معانا والله هنقدروا

أيه ياعرب الوحده فين إتكلموا

قولوا لفين هيبيعوا فينا ويشتروا

☺ تعليقك يسعدنا.. فشارك به! ☺

يوسف الفيشاوي

شاعر وكاتب مصري.. وأمين عام ثقافة طنطا لحزب مصر القومي
يوسف الفيشاوي

Latest posts by يوسف الفيشاوي (see all)

يوسف الفيشاوي

شاعر وكاتب مصري.. وأمين عام ثقافة طنطا لحزب مصر القومي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.