ثقافة وفنون

قصيدة «حبل  الوريد»

للشاعر المصري «محمد مرجان»

كل ناس الدنيا مقطوعه الخلاص

الا انا

خلاصي فيها لسه باقي استحاله ينقطع

دي عصمه نازله من السما

كل من في الدنيا جدره ملوش اساس

الا انا

انا جدري ثابت من بداية الخلق واسمي مكتوب في الكتب

وفرعي واصل للسما

يااللي فكرك بالرصاص هتهدني

كل ما انته تحس ضعفي انا ببقى  اقوى

العناد بيزيدني عند

والمصايب كل ما بتكتر وتقوى ما بنحنيش.

للاسف بتزيدني تقوى

مصر دي حبل الوريد

مصر دايما أيد في أيد

وزي ما قال النبي عن مصرنا أمة رباط

يبقى اعتباط

انك تفكر اننا راح ننحنى

او نرتضي غير الثبات

اللي فجًر لك كنيسه واللا جامع

انته مش بتهمه أصلا كنت مسلم أو مسيحي

كنت سني واللا شيعي

هو همه مص دمك والاهم يحس انك منكسر

هو همه يهز أمنك

مش في باله كنت ساجد واللا  راكع

جوه جامع او كنيسه المهم يحس انه انتصر

هو همه يهدك انته قبل ما يهد الوطن

هو دايما ضدك انته

لأنه عارفك كل ما بتضيق عليك

كل ما بيعاندو فيك

كل ما بيهدو فيك

برضه روحك في الوطن

يا بلدنا يا أبيه كل ما فينا أبي حبك نهار

مهما حاولو يهدو فينا بيتولد جوانه عزم وألف قوه ولم نحس الانكسار

احنا راضعين المحبه والسلام

وبرضه راضعين المهابه والإيمان

كل اطراف المعادله جمعوها وقالو بتساوي انقسام

واحنا من قلب المعادله التقونا ايد في ايد كلنا صبر وايمان

جنتنا مهش بعيد

مصرنا حبل الوريد

هي المعادن امته بيبان اصلها

غير في الشدايد والمحن

وانته  يا ابني في الشدايد مت ليه؟؟؟

مت ليه….؟؟

مت لجل يعيش وطن

 

______________________
من ديوان «بياع كلام»

☺ تعليقك يسعدنا.. فشارك به! ☺

محمد مرجان

شاعر عامية مصري، من مواليد 15 مايو 1978، له ثلاثة دواوين مطبوعة (بياع كلام - رسالة حب - حبس انفرادي).. شارك في العديد من المهرجانات، وبرامج الإذاعة والتليفزيون.
محمد مرجان

Latest posts by محمد مرجان (see all)

محمد مرجان

شاعر عامية مصري، من مواليد 15 مايو 1978، له ثلاثة دواوين مطبوعة (بياع كلام - رسالة حب - حبس انفرادي).. شارك في العديد من المهرجانات، وبرامج الإذاعة والتليفزيون.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.