الثقافة والفنون

قصيدة «بَغُض النظرة من عيني»

للشاعرة المصرية «ياسمين السبكي»

بَغُض النظرة من عيني

عليك

لما حاولت تضمني في عنيك

فصعبوا عليك ..

كفوف دابت من الفرقة

وكتر الشد

واغض النظرة عن كوني

بحب أرمي كتير النرد

ويطلع قلبي من جوفي

ف انسج منه كام واحدة

تكون قرابين لأي إله

يدوب حنة ف كف البنت

وبعد شوية م البدايات

ولونها الوردي بين ايدي

بتصرخ امي من خوفها

ده واد طايش

طب إملي في سلِّتك ريقك

ومديها…

لاقيته بيهجر الحواديت

في آخر الليل

وشفت في صورته بيت تاني

معلق ضحكتي في شباك

و حاضن صدرها دوني…

ف لحظة غيبة عن نفسي

لاقتني بمرجح الذكري

و بكتب عالصراط طوفي

ما بين  ايامه والحاضر

رسمت كتافي من كتفه

فزود حمل احزاني

نفضت الضلمة من بينا

فتحت لروحي سمواته

بشوف نفسي في هيئة حور

مرقع جسمها كله

مزين خدها بالطين

و سارق منها التفاح

ولما صحيت

لاقيت الحربة في ايديا

وكل الخلق بتحاذر

برغم اني يادوبك بنت في العشرين

و مليت الجميع علشان

وجعني بضربته ف ضهري

في عز الليل

وكان أيامها غنيوة

مولد ضحكته للكل

وكان القلب فيه درويش

مسبح جتتي منه

لكني بقيت بغرق أى شوق عالشط

وبكفر بيه

☺ تعليقك يسعدنا.. فشارك به! ☺

ياسمين السبكي

شاعرة مصرية.. صدر لها ديوان شعر عامية بعنوان «شبابيك».. وهي من محافظة بني سويف في صعيد مصر، وحاصلة على بكالوريوس إدارة أعمال، وطالبة دراسات عليا
ياسمين السبكي

Latest posts by ياسمين السبكي (see all)

ياسمين السبكي

شاعرة مصرية.. صدر لها ديوان شعر عامية بعنوان «شبابيك».. وهي من محافظة بني سويف في صعيد مصر، وحاصلة على بكالوريوس إدارة أعمال، وطالبة دراسات عليا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.