منوعات

بالصور .. منى العقاد تتجول مع «سيدات مصر» في شارع المعز

منى العقاد: فكرت ازاي اجمع بين رياضة التمشية ونزور الأماكن السياحية

نظمت مبادرات «سيدات مصر» و«امشي وإعرف بلدك» و«رساله للعالم.. زيي زيك لذوى الاحتياجات الخاصه» رحلة لزيارة شارع المعز شارك فيها عدد من المشاركات بالمبادرات يصطحبهن أبناءهن.
تقول صاحبة المبادرة د/ منى العقاد، استشارى امراض السمع و الاتزان: «فكرت ازاي اجمع بين رياضة التمشيه الي بدأناها ‘ صحتك في مشيتك’ و مبادرة ‘ رساله للعالم زيي زيك’ ونزور الاماكن السياحيه فعملت مبادرة
‘ إمشي وإعرف بلدك’ ومعانا السيدات بأطفالهم.

وأضافت أن المبادرات تضم سيدات من مناطق المنيل والفسطاط والمعادي وحلوان و١٥ مايو والقاهره الجديده ومدينة نصر والمطريه وجسر السويس..

كنا بننزل نتمشى كل مجموعه في منطقتها فالشارع .. فكرت افضل ننزل نتمشى ونتعلم ونشوف اثار بلدنا اللي كتير سمعوا عنها ومشفوهاش.. خاصة الاطفال بياخدوا التاريخ يقروا معلومات عن مصر .. لكن اخر مره شارع المعز كانوا منبهرين بكل شبر فالشارع .. وبيسألونا احنا الكبار دا كان امتى وده كان من امتى والجامع ده مين بناه..انا نفسي انبهرت من استفسارات الاطفال قبل الأمهات ..والحمدلله في كل مكان اثرى بنزوره بنلاقي مرشدين يشرحولنا لا بجد الكل متعاون حقيقي منبهره ببلدي مصر

ناديه الفيل مصريه مقيمه في المانيا وصلت مصر اليومين دول شاركت في المبادره

تقول ناديه الفيل: مبادره ممتازه لانها بتشجعنا على زيارة الاماكن السياحيه الجميله فى بلدنا اللى قليل من الناس بيفكر يزورها وعجبنى جدا روعة العماره والزخارف الإسلاميه

رانيا حمدى
مبادره رائعه. عرفتنا اماكن كتير لم نعرف عنها اي شئ ولم نزورها ولكن بعد المبادره زورناهاوعرفنا معومات عنها

المخرجة عليا الرجال من جاردن سيتي
المبادرة حلوة جدا يتشجعنا نعرف أماكن جديدة ومعلومات جديدة وحلوة وفِي نفس الوقت بنمارس رياضيه المشي ودي حلوه جدا لانها بتجدد الطاقه وبتخلينا عندنا طاقه ايجابيه جميله

هبه المرشدى من المنيل
شارع المعز رائحه عبق التاريخ يتخلل كل ركن فيه ويظهر فى وجوه كل من يمر فى هذا الشارع ومبادره اعرف بلدك زادت هذا العبق جمال ورونق والتدقيق فى كل تفصيله المبادره اثقلت حسنا الروحى والفنى والبصرى
مع ان هذه المبادره وجود صحبه تساندك على التمتع بكل الاماكن والحب بينا وحب الاماكن البنروحهه اختلط واخرج مزيج كله حب شكرا دكتور منى وشكرا لكل من اتشرفت بمعرفته
ايمان حامد
انا حبيت مبادرة امشي واعرف بلدك بقيادة الدكتوره منى العقاد لانها بتشجعنا على زيارة الاماكن السياحيه التي لم نراها من قبل😘😘

حنان عبد القادر
دكتوره منى سفيره البهجه ليا وميدو ابنى مكونتش بخرجه كتير وبعد ما تعرفت على مبادره امشى واعرف بلدك شكل الحياه اتغيرت مثل زياره المتحف كانت روعه ومفيده جدا عشان ابني ربط الى شافوا بالمتحف والى بيخدوه فى الدراسه وبقا هو الى بيسال حنخرج الجمعه ده مع الدكتور فين يا ماما فعلا احنا موجودين فى البلد ومنعرفش عنها الاماكن كتير بارك الله فيكى يا سفيره البهجه دكتوره منى العقاد❤

يمنى من الفسطاط
مبادرة امشي واعرف بلدك بالنسبه لي ولاودى بمثابه طوق النجاة من دوامه وضغوط الحياة شوفت وزورت أماكن جميله جدااااا قريبه من بيتي بس عمري مفكرت أروح واتعرفت علي سيدات قمه في الأخلاق والاحترام انا بنتظر يوم الجمعه كطفله صغيرة منتظرة يوم العيد بفرحه بخرج وارجع بكميه كبيرة من الطاقه الاجابيه كفيله بتغييير المود طول الأسبوع شكراااا راعيه المبادرة وصاحبه السعادة د مني علي أجمل حاجه حصلتلي وهي انضمامي للمبادرة

ايمان (ايمي)
المبادرة دى اجمل حاجه حصلت لاودلادى لانى فعلا عمرى ما كنت هتشجع وأخرج بيهم كل الاماكن السياحيه

شيرين (بيباً) بتشارك ومعاها بنتها حبيبه
شارع المعز لدين الله الفاطمى شارع من شوارع مصر العتيقه من الزمن الجميل كل حاجه فيه بتشد الواحد لزمن عدى عليه قرون و تحس انك فى عالم تانى عالم جميل و ساحر بدايه من البيوت القديمه والزخرفه المعماريه الرائعه لغايه قهوه ام كلثوم الى القاعده عليها تنسيك الدنيا و تخليك تركز بس فى صوت ام كلثوم و جمال الكلمات الرائعه

منى مشعل من المنيل
قمنا بزيارة شارع المعز مع كوكبة راءعه من سيدات وفتيات مصر بقياده دكتور مني العقاد
و بدأنا الزيارة من باب الفتوح و دخلنا مسجد الحاكم بالله و يوجد بالشارع العديد من وسائل الترفيه مثل رسم الحناء والقهاوي وبيوت الثقافه مثل قهوة اللورد وبيت السيحمي اللذي تقام به حفله كل يوم أحد
هناك ايضا اللبس الهندي للتصوير للفتيات ويسمى الساري و لبس السلاطين للشباب

سلوى صابر
شارع المعز من الشوارع الاثريه الجميله الى معظم المصريين مايعرفوش عنه حاجه بجد انا انبهرت بيه وبكميه الإبداع والروعة الى موجودين على البيوت والمساجد بجد حاجه عظيمه

مديحة محرم
د. منى رجعتني إياك مدرستي في زيارة شارع المعز سنين مشوفتهاش وسنين رجع بيا الزمن
الزمن الجميل زمن عدى وفات.. د منى رجعتنا تاني لأحلى ايام.. مدرستي الجمالية الثانوية بنات بشارع المعز

 

شارع المعز شارع المعز شارع المعز شارع المعز شارع المعز

شارع المعزشارع المعز شارع المعز شارع المعز شارع المعز شارع المعز شارع المعز شارع المعز شارع المعز شارع المعز

 

☺ تعليقك يسعدنا.. فشارك به! ☺
الوسوم

ياسر حسني

كاتب وصحفي وباحث (مصر) للتواصل: yasserhossny.net@gmail.com

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.